ସମ୍ବଲପୁରରେ ହାତୀ ଆତଙ୍କ , ଘରୁ ଟାଣି ଆଣି ବୃଦ୍ଧଙ୍କୁ ଦଳିଦେଲା ହାତୀ
ସମ୍ବଲପୁର ; ସମ୍ବଲପୁର ମହାନଗର ନିଗମ ଅନ୍ତର୍ଗତ ହାଲିପାଲି ଡୁଙ୍ଗୁରିପଡା ଠାରେ ବଣୁଆ ହାତୀ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ନେଇ ସୂଚନା ମିଳିଛି । ଏଥିରେ ଅନ୍ୟ ୨ ଜଣ ମଧ୍ୟ ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ସୁଚନା ଅନୁସାରେ ବିଳମ୍ବିତ ରାତି ୧ଟା ସମୟରେ ହାଲିପାଲି ଡୁଙ୍ଗୁରିପଡା ଠାରେ ନିଜ ଘରେ ୬୫ ବର୍ଷିୟ ଚୈତନ ଭୋଇ ଶୋଇଥିବା ସମୟରେ ବଣୁଆ ଦନ୍ତାହାତୀ ଉପଦ୍ରବ କରି ହଠାତ ଆକ୍ରମଣ କରିଥିଲା । ଘରଦ୍ୱାର ଭାଙ୍ଗିବା ସହ ଘରେ ଶୋଇଥିବା ଚୈତନଙ୍କ ଉପରକୁ ଅତର୍କିତ ଆକ୍ରମଣ କରିଥିଲା ।
ଏଥିରେ ବୃଦ୍ଧ ଚୈତନଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଭିମସାର ମେଡିକାଲ ରେ ଚୈତନ ଙ୍କ ସ୍ତ୍ରୀ ଓ ପୁଅ ଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । ତେବେ ଏହି ଅଞ୍ଚଳରେ ବାରମ୍ବାର ବଣୁଆ ହାତୀ ଉପଦ୍ରବ ପାଇଁ ଧନଜୀବନ କ୍ଷୟକ୍ଷତି ହେଉଥିବା ବେଳେ ଏନେଇ ବନବିଭାଗ ର ପାରିବାପଣିଆ ଓ ଅପାରଗତାକୁ ନେଇ ଜନ ଅସନ୍ତୋଷ ତେଜିବାରେ ଲାଗିଛି ।
