ଅସହାୟ ମହିଳାଙ୍କୁ ସହାୟତା ବଦଳରେ କୁକର୍ମ , ଯୁବକ ଗିରଫ ପୀଡିତା ମେଡିକାଲରେ ଭର୍ତି ।
ଯାଜପୁର : କୋଲକାତା କଣ ନାରୀ ଆଉ କେଉଁଠି ବି ସୁରକ୍ଷିତ ନୁହଁ । ଯାହାକୁ ସହାର୍ଯ୍ୟ ମାଗିଲା ଶେଷରେ ସେ ହିଁ ରାକ୍ଷସ ସାଜି କୁକର୍ମ କଲା । ଯାଜପୁର ଅଂଚଳର ଜଣେ ମହିଳା ଶ୍ୱଶୁର ଘର ନିର୍ଯାତନା ସହିନପାରି ଆସିଥିଲେ ଭଦ୍ରକକୁ କିଛି କାମଧନ୍ଦା କରି ନିଜର ପେଟ ପୋଷିବେ । କିନ୍ତୁ ଯାହାକୁ ସହାୟତା ମାଗିଲେ ରାତିରେ ତାଙ୍କୁ ସହାୟତା ବଦଳରେ କଲେ କୁକର୍ମ । ଏପରି ଏକ ସ୍ପର୍ଶକାତର ଘଟଣା ଦେଖିବାକୁ ମିଳିଛି ଭଦ୍ରକ ସହରାଞ୍ଚଳ ଥାନା ଅଧୀନରେ। ସୂଚନା ମୁତାବକ ଯାଜପୁର ଅଞ୍ଚଳର ଜୈନେକ ମହିଳା କିଛିମାସ ତଳେ ଶାଶୁ ଘରେ ଝଗଡା ହେବା ପରେ ସହିନପାରି ଆସିଥିଲେ ଭଦ୍ରକ। ଭଦ୍ରକ ସହରର ବଙ୍କସାହିରେ ଭଡା ଘରେ କିଛି ଦିନ ରହି ଅନ୍ୟ ଘରେ କାମ କରି ପେଟ ପୋଷୁଥିଲେ କିନ୍ତୁ ହଠାତ ତାଙ୍କ ଶାଶୁ ଘର ଲୋକଙ୍କ ସହ ମହିଳାଙ୍କ ବଚସା ଓ ଝଗଡା ହେବାରୁ ମହିଳା ଜଣକ କେତେବେଳେ ମେଡିକାଲ ବାରଣ୍ଡା ତ କେତେବେଳେ ବସଷ୍ଟାଣ୍ଡ ଆଶ୍ରୟ ସ୍ଥଳୀରେ ରହୁଥିଲେ।
ଗତ ଶନିବାର ବିଳମ୍ବିତ ରାତିରେ ମହିଳା ଜଣକ ବସଷ୍ଟାଣ୍ଡର ଆଶ୍ରୟ ସ୍ଥଳୀରେ ଆଶ୍ରୟ ନେଇଥିବା ବେଳେ ସ୍ଥାନୀୟ ଗଙ୍ଗାଧର ଦାସ ନାମକ ଯୁବକ ମହିଳାଙ୍କୁ ଘର ଯୋଗାଇଦେବାକୁ କହି ତାଙ୍କ ସାଙ୍ଗରେ ଯିବାକୁ କହିଥିଲେ କିନ୍ତୁ ମହିଳା ଜଣକ ରାଜିନହେବାରୁ ବସଷ୍ଟାଣ୍ଡରେ ମଦୁଆ ଓ ନିଶାଡୀଙ୍କ ପାଦୁର୍ଭାବ କହି ଯୁବକ ଜଣକ ମହିଳାଙ୍କୁ ଡରାଇଥିଲେ। ମହିଳା ଜଣକ ଭୟରେ ସେହି ଯୁବକ ଜଣକ ସାଙ୍ଗରେ ଆସିଥିଲେ କିନ୍ତୁ ଯୁବକ ଜଣକ ମହିଳାଙ୍କ ଅସହାୟତାର ସୁଯୋଗ ନେଇ ଭଡା ଘରକୁ ନେବା ବଦଳରେ ଏକ ନିରୋଳା ଗୃହକୁ ନେଇଥିଲେ ସେଠାରେ କେହି ନଥିବା ମହିଳାଙ୍କ ସନ୍ଦେହ ହେବାରୁ ମହିଳା ଜଣକ ପାଟି କରିବାରୁ ଯୁବକ ଜଣକ ଭିତର ପଟୁ କବାଟ କିଳି ମହିଳାଙ୍କ ସହ ଦୁର୍ବ୍ୟବହର ଫଳରେ ମହିଳା ଜଣକ ଚିତ୍କାର କରିଥିଲେ କିଂତୁ ଯୁବକ ଜଣକ ସେ କୋଠରୀ ଗୋଟେ ଅଫିସ ବୋଲି କହି ମହିଳାଙ୍କ ପାଟି ଚୁପ କରି ମହିଳାଙ୍କ ସାଙ୍ଗରେ ଜୋର ଜବରଦସ୍ତ ଅସଦାଚରଣ କରିବାକୁ ଲାଗିଲା। ମହିଳା ଜଣକ ଯେତେ ପାଟିକଲେ ମଧ୍ୟ ଯୁବକ ଜଣକ ଛାଡ଼ିନଥିଲା। କିଛି ସମୟ ପରେ ମହିଳାଙ୍କର ଚେତା ଚାଲିଯାଇଥିଲା ଆଉ ଚେତା ଫେରିବା ପରେ ମହିଳା ଜଣକ ସଖାଳୁ ପୋଲିସ ଷ୍ଟେସନରେ ପହଂଚିଥିଲେ ସବୁ କଥା କହିଥିଲେ ।
ପୋଲିସ ମହିଳାଙ୍କୁ ନେଇ ମେଡିକାଲରେ ଭର୍ତି କରିବା ପରେ ମହିଳା ମେଡିକାଲ ରେ ଚିକିତ୍ସିତ ହେଉଥିବା ବେଳେ ପୋଲିସ ପହଂଚି ମହିଳା ଙ୍କର ବୟାନ ରେକଡ଼ କରିବା ସହ ଅଭିଯୁକ୍ତକୁ ଥାନାରେ ଅଟକ ରଖିଥିଲା ପରେ ଗତକାଲି ବିଳମ୍ବିତ ରାତିରେ ଗିରଫ କରିଛି। ତେବେ ଜଣେ ଅସହାୟ ମହିଳାଙ୍କୁ ଏକୁଟିଆ ପାଇ ତାର ଅସହାୟତର ସୁଯୋଗ ନେଇ ତାକୁ ଅସଦାଚରଣ କରିବା ପୁଣି ଥାନା ପାଖା ପାଖି ଅଂଚଳରେ ଯାହା ଏକ ଚର୍ଚ୍ଚାର ବିଷୟ ପାଲଟିଛି। ତେବେ ଦେଖିବାକୁ ବାକିରହିଲା ଏଭକି ସମ୍ବେଦନଶୀଳ ମାମଲାକୁ ପୋଲିସ କିପରି ଭାବେ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରୁଛି।
