ବିଶ୍ୱ ସ୍ୱାସ୍ଥ୍ୟ ସଂଗଠନ ନୂଆ ରିପୋର୍ଟ : ମୋବାଇଲ ଫୋନ ରୁ ହେଉନି ବ୍ରେନ କ୍ୟାନ୍ସର !

ବିଶ୍ୱ ସ୍ୱାସ୍ଥ୍ୟ ସଂଗଠନ ନୂଆ ରିପୋର୍ଟ। ରିପୋର୍ଟ ରୁ ଜଣାପଡିଛି  ଯେ ମୋବାଇଲ୍ ଫୋନ୍ ବ୍ୟବହାର କରିବା ଦ୍ୱାରା ହେଉନାହିଁ  ବ୍ରେନ କ୍ୟାନ୍ସର । ବିଶ୍ୱର  ଅନେକ ଲୋକ ମୋବାଇଲ ଫୋନ ବ୍ୟବହାର କରିଛନ୍ତି, କିନ୍ତୁ ମସ୍ତିଷ୍କ କର୍କଟ ରୋଗ ବୃଦ୍ଧି ପାଇନାହିଁ ବୋଲି ମଙ୍ଗଳବାର ଦିନ ଏହି ରିପୋର୍ଟ ଆସିଛି। ଯେଉଁମାନେ ସେହି ଫୋନରେ ଦୀର୍ଘ ସମୟ ଧରି କଥାବାର୍ତ୍ତା କରନ୍ତି କିମ୍ବା  ଅଧିକ ସମୟ ଧରି ମୋବାଇଲ୍ ଫୋନ୍ ବ୍ୟବହାର କରୁଛନ୍ତି ସେମାନଙ୍କ ପାଇଁ ଏହା ମଧ୍ୟ ପ୍ରଯୁଜ୍ୟ |ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) କରିଥିବା ଏର ନୂତନ ସମୀକ୍ଷାରୁ ଜଣାପଡିଛି ଯେ, ୱାୟାରଲେସ୍ ଟେକ୍ନୋଲୋଜିର ବ୍ୟାପକ ବ୍ୟବହାର ସତ୍ତ୍ୱେ ମସ୍ତିଷ୍କ କର୍କଟ ରୋଗର ବୃଦ୍ଧି ଘଟିନାହିଁ ।

ଏପରିକି ଯେଉଁମାନେ ଦୀର୍ଘ ସମୟ ଧରି ଫୋନ୍ କଲରେ କଥା ହୁଅନ୍ତି କିମ୍ବା ଫୋନର ବହୁଳ ବ୍ୟବହାର କରୁଛନ୍ତି, ସେମାନଙ୍କର ମଧ୍ୟ ମସ୍ତିଷ୍କ କର୍କଟ ବୃଦ୍ଧି ଘଟିନାହିଁ । ଏହି ଅଧ୍ୟୟନର ଫଳାଫଳ ଏନଭାଇରୋମେଣ୍ଟ ଇଣ୍ଟରନ୍ୟାସନାଲ ଜର୍ଣ୍ଣାଲରେ ପ୍ରକାଶ ପାଇଛି। ୧୯୯୪ ରୁ ୨୦୨୨ ମଧ୍ୟରେ ୬୩ ଟି ଅଧ୍ୟୟନକୁ ବିଶ୍ଳେଷଣ କରି ଏହି ରିପୋର୍ଟ ପ୍ରକାଶ କରାଯାଇଛି । ଅଧ୍ୟୟନକାରୀଙ୍କ ଟିମରେ ୧୦ଟି ବିଭିନ୍ନ ଦେଶର ୧୧ ଜଣ ବିଶେଷଜ୍ଞ ସାମିଲ ହୋଇଥିଲେ, ସେମାନଙ୍କ ମଧ୍ୟରେ ଅଷ୍ଟ୍ରେଲିଆର ବିକିରଣ ସୁରକ୍ଷା ପ୍ରାଧିକରଣର ପ୍ରତିନିଧୀମାନେ (ରେଡିଏସନ ପ୍ରୋଟେକ୍ସନ ଅଥରିଟି) ମଧ୍ୟ ସାମିଲ ଥିଲେ।